新一屆地區三會委員名單日前出爐，今屆超過480個「新丁」，包括沙田防火會委員、民思政策研究所研究總監潘學智（Ray）。佢同Emily講，獲委任感光榮，熟悉運作後會諗下點樣發揮。佢話相比起帶新議題入會，現階段着重「反映意見」。至於點跟進宏福苑火災，佢話自己服務沙田區，不過日後會同消防合作，避免大廈設施太舊而導致火警。
倡港發展「低軌經濟」
Ray過去定期透過民思發表研究，包括香港「一國兩制」指數，今年1月亦建議將圍標刑事化，又提議用AI識別可疑招標。Emily日前獲邀跟中學生去上海考察，身兼中大滬港發展聯合研究所助理所長嘅Ray都係考察團「導師」之一，行程中不時同學生交換意見。佢透露民思將發布「低軌經濟」研究報告，話香港雖然暫未有火箭升空，都可以諗諗點樣從保險、金融等角度發展低軌經濟。
【明報】：https://news.mingpao.com/pns/%e6%b8%af%e8%81%9e/article/20260404/s00002/1775234889855
